Чипполинонинг ғаройиб саргузаштлари, у кўрсатган жасорат ва мардликлар эсингизда бўлса керак. Мана, сиз ўша ажойиб воқеалар муаллифи, итальян адиби Жанни Родари билан яна бир бор учрашяпсиз. Бу китобда унинг «Уч хотимали эртаклар" ва "Желсомино Ёлғончилар мамлакатида» асарлари билан танишасиз. «Уч хотимали эртаклар»да воқеа маълум нуқтагача баён қилинадида, сўнг у уч хил якунланади. Агар сиз топағонлик қилиб, бу эртакларни бошқачароқ якунласангиз ва уни ўртоқларингизга, укаларингизга айтиб берсангиз янада яхши.