Инглиз ёзувчиси Ҳерберт Уэллс ўзбек китобхонларига "Вақт машинаси", "Кўринмас одам" каби машҳур асарлари билан таниш. Унинг "Дунёлар жанги" романи 1898 йилда китоб ҳолида чоп этилган. Асарда ўзга сайёраликларнинг Ер сайёрасига ҳужум қилиш мавзуси қаламга олинган бўлиб, бу китоб ўша давр учун катта янгилик ҳисобланган. Воқеалар муаллифнинг ватани бўлмиш Англияда содир бўлади. Асар ХХ аср давомида довруғини сақлаб қолди ва ҳозирги кунда ҳам Фантастик асарлар рейтингидан тушгани йўқ. У дунёнинг кўплаб тилларига таржима қилинган ҳамда роман асосида фильм ишланган. Эътиборингизга унинг ўзбек тилидаги таржимасини тақдим этмоқдамиз.