Энг яхши шеърлар туркумидаги навбатдаги китобимиз азиз ва мўътабар онажонларимизга бағишланади. Ўзбек адабиётининг забардаст шоирлари, давримизнинг севимли ижодкорлари қаламига мансуб бўлган оналаримизга бағишланган энг яхши шеърлар баҳоли қудрат жамланди. Топлам мутолааси ўқувчини бир дам сергаклантиради: болалик ва ёшлик хотиралари китобхон кўз олдида бор бўй-басти билан намоён бўлади. Олис орзулар ва армонлар кишини ўйга толдиради..