Элли Смит илк бор Сеҳрли шаҳарга саёҳат қилганига ҳам ярим асрдан ошди. У кексайиб, кампирга айланган пайтида ватанига - Канзасга қайтди ва уйида учратганлари элфлар бўлди! Улар Ажалвор Кулбачанинг собиқ парисидан Афсонавор халққа Сеҳрли ўлка томон олиб борадиган йўлни кўрсатишни илтимос қилишди. Бунинг эвазига унга ёшлигини туҳфа этишди. Лекин беш кунгинага, холос! Улар Айлана Дунё тоғлари ортидаги мамлакатга йўл топа олармиканлар? Абадий ёшлик сирининг соҳибаси гўзал соҳира Стелланинг ҳузурига етиб боришга улгуришармикан? Вақт эса шунчалик тез ўтиб борардики...