Артур Дойлнинг "Шерлок Холмс ҳақида ҳикоялар"и нафақат Европада, балки бутун дунёда машҳур. Ва айни пайтда юртимиз китобсеварларига ҳам яхши таниш. Бу иккинчи тўпламда ёзувчининг детектив, илмий фантастика, саргузашт воқеалар, ҳаётий далилларга бой ҳикоя ва қиссалари жой олган. Бу тўпламдан ўрин олган "Интернатда содир бўлган воқеа" ҳикоясидаги қизиқ ва ажабтовур воқеалар кишиларни интернетнинг сирларидан воқиф қилгандек гўё. Фақат бугина эмас, машҳур изқуварлар Шерлок Холмс ва доктор Уотсоннинг қатор жиноятларни фош қилишдаги бир-биридан қизиқарли ҳаётий саргузаштларини мазкур китобдан билиб олишингиз мумкин. Детектив воқеаларга бой мазкур тўплам Сиз азиз китобхонлар илтимосига кўра, кичик ҳажмдаги 3 та китоб шаклида чоп этилмоқда. Қўлингиздаги мазкур китоб биз туҳфа этиб келаётган тўпламнинг иккинчиси, яъни сиз интиқ кутган ҳикояларнинг мантиқий давомидир.