Азиз китобхон! Яхши китоб мутолааси- кўнгил байрами. Яхши китобни қўлга олдингиз, байрамингиз муборак бўлсин. Бу китоб бутун башарият шоири деб донг таратган ҳазрати Мавлоно ҳақида, унинг дунёнинг китоби деб ном қозонган буюк асари- "Маснавий маънавий"нинг яратилиш тарихи хусусида. 2007 йил ЮНЕСКО қарори билан жаҳон бўйлаб Жалолиддин Румий йили деб аталди ва дунё мамлакатларида Мавлоно таваллудининг муборак саккиз юз йиллиги байрам қилинди. Бирлашган миллатлар ташкилотининг махсус мажлиси ана шу санага бағишланди. Ҳали дунё аҳли бирор олиму алломага бу қадар иззату эҳтиром кўрсатмаган. Бошдан охир бир қўшиқдек жарангловчи бу роман сизни ана шу улуғ сиймонинг мунавввар дунёсига бошлаб киради ва сиз унинг умрбод мафтуни бўлиб қоласиз.