O'rxon Kamol: Firibgar

O‘rxon Kamol realistik qarashlari bilan turk romanchiligida munosib o‘rin egallagan, asarlarida jamiyat rivojiga to‘g‘onoq bulayotgan illatlarni qahramonlar tili va xarakteri orqali baralla ayta olgan yozuvchi.

Uning o‘zbek tiliga ilk marotaba tarjima qilingan “Firibgar” romani ham o‘tgan asrning elliginchi yillaridagi Turkiya ijtimoiy hayotida taraqqiyotga soya solgan illatlarni keskin qoralagani va fosh qilgani bilan o‘quvchi qalbiga yetib boradi. Ayniqsa, Qudrat Yonartog‘ ismli muttahamning turli toifaga mansub korchalonlarga firib berib, ularning cho‘ntagini qoqlashi, yengiltak ayollarni aldab, boyligini egallab olishi, o‘z maqsadlari yo‘lida omi va johil kishilarning soddaligidan foydalanishi, taqvodorlarning diniy his-tuyg‘ularini junbishga keltirib, obro‘ qozonishi kabi voqea-hodisalar haqqoniy va qiziqarli tasvirlangani asarni bir nafasda o‘qib chiqilishiga xizmat qiladi.