Sheniz Yujel: Baxt - Allohga ishonmoqdir

Inson o‘ziga berilgan neʼmatlar uchun har dam, har on shukrona keltirib yashashi kerak. Aslida har bir inson baxtlidir, biroq oramizda o‘z baxtini anglolmay yashayotganlar ham borligi hisobiga bu haqiqat har doim anglashilavermaydi. Kechagi kun o‘tdi, ertangi kun orzu, bugunimiz esa Robbimizdan bizga bir inʼomdir. Nega bu inʼomdan go‘zal tarzda foydalanmasligimiz kerak? Besh daqiqa keyin bu hayotda bormizmi-yo‘qmizmi - bilmaymiz, shunday ekan, hoziroq - shu lahzada baxtni his qilishimiz joiz emasmi?

Hayotimizda ro‘y bergan og‘riqli voqealarni har gal eslar ekanmiz, ularni yana yashab o‘tgan kabi tushkunlikka tushamiz, vujudimiz kimyosi o‘zgaradi. Bu holat bizdan sog‘ligimizni tortib oladi. Demak, ayni damlarda yashaylik, o‘tmish g‘amlari yodi bilan emas. Shukr, sabr, kengfeʼllik, xotirjamlik va ibrat bilan umr kechiraylik!