Sema Marashli: Qaynona-kelin munosabatlarida murosayu madora

Turmush barakotdir, muhabbatdir. Bir kishi bilan turmush qurib, kattakon oilaga ega bo‘lasiz. Oilangiz bitta edi, ikkita bo‘ladi. Bu bir neʼmatdir. Har neʼmatning kulfati bo‘lgani kabi yangi oilaga ega bo‘lishning ham o‘ziga xos qiyinchiliklari bor, albatta. Yangi oilangiz aʼzolari sevganingizning sevganlaridir. Turmush o‘rtog‘ingizni qizg‘anishingiz, ular bilan bo‘lishishni istamasligingiz mumkin. Yoxud turmush o‘rtog‘ingizning oilasi uni qizg‘angani bois sizga ko‘ngil eshiklarini bekitishi mumkin. Bunday vaziyatda oldingizda ikki yo‘l bor.

Birinchisi: «Sizning oilangiz-mening oilam» deya xato va kamchiliklariga eʼtibor bermasdan ularni qabul qilish, mehr va hurmat ko‘rsatib, ko‘ngil eshiklaridan ichkariga qadam tashlashga muvaffaq bo‘lish.

Ikkinchisi: muntazam ravishda turmush o‘rtog‘ingiz oilasining xatolari va sizga yoqmagan jihatlariga eʼtibor qaratib, ulardan uzoqroq turish, turmush o‘rtog‘ingizni ham oilasidan ajratib olishga urinish. Bu yomon yo‘l.